Interstellar - Discussion room #1 - ஒரு சிறந்த திரைக்கதை எழுதுவது எப்படி!?

1. ஒரு சிறந்த திரைக்கதை எழுதுவது எப்படி?

2. யார் அந்த "they"?

படம் பார்த்த அனைவருக்கும் They பற்றிய பல குழப்பங்களும் சந்தேகங்களும் இருக்கலாம்.

முடிந்தவரை அவற்றை அறிவியலோடு தீர்க்க முயற்சி செய்கிறேன்.

மொத்த திரைக்கதையும் 99% தியேரிட்டிக்கலாகவாவது நிரூபமான  அறிவியலுக்கு உட்பட்டே அமைக்கப்பட்டிருக்கிறது என்கின்றனர் நோலன் சகேதரர்கள்.

எனவே திரைக்கதையின் ஒரு சின்ன சந்தேகத்தை விளக்க வேண்டுமென்றாலும் அதற்கு பல அறிவியல் கதாகலாஷேபங்களை பற்றியும் கூடவே விளக்க வேண்டியிருக்கிறது.

திரைக்கதையில் They-கூப்பர்-மர்ஃபியிடையே ஒரு time loop உருவாகியிருப்பதை கவனிக்கலாம்.

கூப்பருக்கு நாசாவின் இருப்பிட தகவல் கிடைக்கிறது,

கூப்பர் வின்வெளி செல்கிறான்,

கூப்பரே டெசராக்ட்டிலிருந்து நாசாவின் இருப்பிட தகவலை கூப்பருக்கு தருகிறான்.

இந்த லூப்பின் எந்த ஒரு சம்பவத்தை நீங்கள் disturb செய்தாலும் அது வேறொரு parallel realityயை தான் உருவாக்குமே தவிர நீங்கள் படத்தில் பார்த்த திரைக்கதையை உருவாக்காது.

உதாரணமாக டெசராக்ட்டில் விழுந்த  கூப்பர் நாசாவின் இருப்பிட தகவலை தனக்கே தரவில்லையென்றால் கூப்பர் இங்கே வந்திருக்கவே முடியாது.

இது casualty violation எனப்படுகிறது.

Time loop என்பதில் தொடக்கப்புள்ளியோ ஆதாரப்புள்ளியோ கிடையாது.

இது எங்கே தொடங்கியது ஏன் இப்படி நடக்கிறது என்றெல்லாம் கேள்வி கேக்க கூடாது.

Time loopக்கு உட்பட்டு அது என்ன கதை சொல்கிறதோ அதை அப்படியே ஏற்றுக்கொள்ள வேண்டியது தான்.

அது தான் time loopன் விதியே.

எல்லா படங்களும் கதைகளும் அப்படியே சொல்லி வந்திருக்கின்றன.

அறிவியலும் அப்படியே சொல்கிறது.

இது வரை வந்த வழக்கமான எல்லா time loop திரைப்படங்களுக்கும் கதைகளுக்கும் இது பொருந்தும்.

ஆனால் இன்டெர்ஸ்டெல்லரின் specialtyயே அவர்களுக்கே உரித்தான கதை சொல்லலில் உயையாடி உச் கொட்டி வாவ் சொல்ல வைத்தது தான் நோலன் சகோதரர்களின் டச்.

இதை இரண்டு விதமாக விளக்கலாம்.

1. Murphy's law / Theory of everything / screenplay sheilds.

2. A Fan theory.

அறிவியலில் theory of everything(toe) என்றொரு விஷயம் உண்டு.

பிரபஞ்சத்தின் அத்தனை ஆதார விசைகளையும் ஒரே தியரியாக ஒரே மூட்டையில் முடிந்து விடுவது.

எல்லாவற்றுக்குமான கொள்கை.

எல்லாவற்றுக்குமான பதில்.

பிரபஞ்சத்தின் எல்லா கேள்விகளுக்குமான ஒரே பதில் அந்த TOEயாக தான் இருக்கும்.

ஆதியும் அவனே அந்தமும் அவனே என்பது போல் எல்லாமும் toeயாக இருக்கும்.

கிட்டத்தட்ட அது ஒரு கடவுள்.

உலகின் தலைசிறந்த விஞ்ஞானிகள் பலரும் உருவாக்க முயன்று தோற்ற ஒரு அறிவியல் தியரி வேறொரு பெயரில் திரைக்கதையமைப்பில் பயன்படுத்தப்பட்டு வருகிறது.

Screenplay shields.

ஒரு சிறந்த திரைக்கதையானது அதற்குள் இருக்கும் அத்தனை லாஜிக் ஓட்டைகளும் அடைக்கப்பட்டதாக இருக்க வேண்டும்.

ஒரு திரைக்கதையின் காட்சியை எழுத்தாளரை விட வாசகன்/பார்வையாளன் சுவாரஸ்யமாகவோ லாஜிக்கலாகவோ சொல்லி விட கூடாது.

திரைக்கதையின் ஆசிரியன் எழுத்தாளனாக மட்டுமே இருக்க வேண்டும்.

சுமாரான கதைகள் தப்பித்துவிடுகின்றன.

ஓரளவுக்கு ரசிக்கும்படியான கதைகள் வாசகர்/பார்வையாளனிடையே மாட்டி சின்னாபின்னமாகிவிடுகின்றன.

அதிலும் unhappy ending கதைகளென்றால் சொல்லவே தேவையில்லை.

அதை happy endingஆக மாற்ற திரைக்கதையின் அத்தனை லாஜிக் ஓட்டைகளையும் நோண்டி அதை தன்னை நிறைவடைய செய்யும் கதையாக மாற்ற அத்தனை முயற்சிப்பான் ஒரு வாசகன்.

ஒரு வாசகனுக்கு அந்த வாய்ப்பை தர விடாமல் வேற வேழியே இல்ல லாஜிக்கலி எழுத்தாளர் பண்ணது தான் சரி என்று ஒரு எழுத்தாளர் அவனை உட்கார வைக்க வேண்டும்.

ஒரு சிறந்த திரைக்கதையை உருவாக்க இத்தனை மெனக்கெடல் இங்கே தேவையாய் இருக்கிறது.

அதிலும் sci-fi, thriller mystery, investigation திரைப்படங்களுக்கென்றால் கொஞ்சம் அதிகமாகவே மெனக்கெட வேண்டியிருக்கிறது.

இந்த மெனக்கெடல்களை குறைக்க இந்த உக்தியை பல படங்களில் எழுத்தாளர்கள் பயன்படுத்துவதை பார்க்கலாம்.

Theory of everything / answer of everything.

சமீபத்தில் வெளியான endgame படத்தை எடுத்துக்கொள்ளலாம்.

அபிமான அயன்மேனை சாக விடாமல் காப்பாற்ற ஆளுக்கொரு தியரியை சொல்லி ஸ்பைடர்மேன் அப்படி செய்திருந்தால் பேட்மேன்(!) இப்படி செய்திருந்தால் டோனியை காப்பாற்றியிருக்கலாமே என்றோம்.

ஆனால் அந்த ஆயிரக்கணக்கான fan theoryக்களுக்கும் ரூசோக்களிடம் ஒரே பதில் தான் இருந்தது.

One possibility in 10million realities.

அதனால் இப்படி நடப்பதை தவிர வேறு வாய்ப்பே இல்லை என்றனர்.

இது தான் எல்லா கேள்விகளுக்குமான எல்லா தியரிகளுக்குமான ஒற்றை பதில்.

அந்த shieldஐ திரைக்கதையில் வைத்த பிறகு ஒரு பார்வையாளன் வேறு எந்த லாஜிக்கை சொன்னாலும் அது வேறு டைம்லைனின் ரியாலிட்டி ஆகி போகும்.

இது ஒரு புத்திசாலித்தனமான உத்தி தான்.

இதே போன்ற ஒரு உத்தி தான் இன்டெர்ஸ்டெல்லரிலும் வருகிறது.

Murphy's law.

எது எங்கே எப்போது யாரால் நிகழ்த்தப்பட வேண்டுமோ அது அவரால் அங்கு நிகழ்த்தப்படும்.

மொத்த திரைக்கதையையும் இந்த மர்ஃபி விதி தான் தாங்கி வருகிறது.

திடீரென ஏன் சனி கிரகத்தின் அருகே ஒரு வாம்ஹோல் தோண்றுகிறது?

கூப்பரருக்கு ஏன் நாசாவின் கோஆர்டிநேட்ஸ் கிடைக்கிறது?

வெகு நாட்களுக்கு பின்னாலான முதல் சந்திப்பிலேயே பிராண்ட் ஏன் கூப்பரை லாசரஸில் இடம்பெற சொல்லி கேட்கிறார்?

பின்னாலில் மர்ஃபி எப்படி நாசாவின் அதே லாசரஸின் முதன்மை விஞ்ஞானி ஆகிறாள்?

இரண்டாவது ரேஞ்சரில் கேஸை வைத்து கழட்டி விடாமல் ஏன் தானாக கூப்பர் அதை செய்கிறான்?

இவை எல்லாவற்றுக்கும் மற்றும் மற்ற எல்லா கேள்விகளுக்கும் லாஜிக்குகளுக்கும் ஒரே விடை Murphy's law மட்டுமே.

இது இப்படி தான் நடக்க வேண்டும்.

இதுதான் எல்லா லாஜிக் கேள்விகளுக்குமான ஒற்றை பதில்.

#####

யார் அந்த They!? (A fan theory)

They யார் என்பதை புரிந்துக் கொள்ள கதையில் theyக்கும் கூப்பருக்கும் இடையே உள்ள உறவை புரிந்துக்கொள்ள வேண்டும்.

அதற்கு திரைக்கதையின் டைம்லைனை ஒரு முறை சுருக்கமாக பார்ப்போம்.

1. சனி கிரகம் அருகே வாம்ஹோல் தோண்றுகிறது.

2. நாசா அதை ஆராய்கிறது.

3. துளையின் மறுபக்கம் வேறொரு நட்சத்திர மண்டலம் இருப்பதாக அறிந்து 12 விஞ்ஞானிகளை அங்கே அனுப்புகிறது.

4. அவர்களில் மூவர் பதில் அனுப்புகின்றனர்.

5. அவர்களை அணுகி population bomb திட்டத்தை செயல்படுத்த நாசா லாசரஸ் மிஷனை தொடங்குகிறது.

(இப்போது தான் டைம்லைனின் உள்ளேயே கூப்பர்  வருகிறான்)

6.கூப்பருக்கும் நாசாவின் இருப்பிட தகவல் கிடைக்கிறது.

7. கூப்பர் வின்வெளிக்கு அனுப்பப்டுகிறான்.

8. சனியை அடைய 2வருடங்கள் ஆகின்றன.

9. மில்லர் கிரகத்தில் 23 வருடங்களை கழிக்கிறான்

10. கூப்பர் கருந்துளையில் விழுகிறான்.(அங்கே எண்ணற்ற வருடங்களை கடக்கிறான்)

11. அங்கிருந்து டெசராக்ட்டுக்கு கடத்தப்படுகிறான்.

12. நாசாவின் இருப்பிட தகவலை தனக்கே அளிக்கிறான், கருந்துளை தகவலை மர்ஃபிக்கு அனுப்புகிறான்.

13. அங்கிருந்து வெளி தூக்கி எறியப்பட்டு பூமிவாசிகளால் காப்பாற்றப்படுகிறான்.

நுட்பமாக கவனித்தால் timelineன்  point no.1 என்பதை மைனஸ் -50வது வருடம் என்று எடுத்துக்கொண்டால்,

Point no.3 என்பது மைனஸ் -10வது வருடம்.

Point no.6 என்பது முதல் வருடம்.

இதன் படி திரைக்கதையானது தோராயமாக 125+50வருடங்களை அடக்கியிருக்கிறது.

டெசராக்ட்டில் டார்ஸுக்கும் கூப்பருக்கும் இடையே நிகழும் உரையாடல் கதையின் புரிதலுக்கு மிக முக்கியமானது.

ஆரம்பத்தில் தான் இந்த பயணத்தை மேற்கொள்ள விடாமல் தடுக்க stay என்று குறிப்பு அனுப்புகிறான் கூப்பர்.

ஆனால் அதை தாண்டியும் கூப்பர் பயணப்படவே செய்கிறான்.

அவன் டெசராக்ட்டில் செய்யும் ஒவ்வொரு அசைவும் எந்த புது மாற்றத்தையும் நிகழ்த்தவில்லை அதற்கு பதிலாக அது அதே டைம்லைனின் ஏற்கனவே நடந்த  நிகழ்வாகவே அமைகிறது.

இதற்கு பொருள் என்னவெனில் அவன் அந்த டெசராக்ட்டிலிருந்து என்ன செய்தாலும் அவன் பயணப்படவே செய்வான். அவனால் நடந்த எவற்றையும் மாற்ற முடியவே முடியாது.

இப்போது அந்த உரையாடலை பார்ப்போம்.

கூப்பரை தொடர்புகொள்ளும் டார்ஸ்.

The bulk beings saved us என்கிறது.

கூப்பர் அவர்களது(they) ஐந்து பரிமாண உலகத்தில் உள்ள முப்பரிமாண வெளியில் இருக்கிறான்.

ஆனால் டார்ஸ் அவர்களது ஐந்து பரிமாண உலகத்தில் நேரடியாக இருக்கிறது.

இரண்டு பேருக்குமான ஐந்தாவது பரிமாணம் பற்றிய புரிதல் ஒன்றாக இருக்க வாய்ப்பில்லை.

அதை இருவரின் உரையாடலில் கவனிக்கலாம்.

மனிதனுக்கு ஐந்தாவது பரிமாணமானது எப்படி இருக்குமென்பது பற்றிய தியரிட்டிக்கல் அனுமானங்கள் உண்டே தவிர அதை நேரடியாக சந்திக்க நேர்ந்தால்  அதை புரிந்துக் கொள்ள முடியாது.

ஒரு இரண்டு பரிமாண கோடாக இருந்து முப்பரிமாண கோளத்தை நோக்கி பாருங்கள்!! உங்களுக்கு அது கோளமாக தெரியாது அதற்கு பதிலாக உங்களுக்கு புரியாத வேறேதோ ஒன்றாகவே தெரியும் அல்லது தெரியாமலேயேயிருக்கவும் வாய்ப்புண்டு.

இந்த குழப்பத்தை தீர்க்கவே கூப்பருக்கு புரியும் வகையில் theyயானவர்கள் ஐந்து பரிமாண உலகத்தை முப்பரிமான வெளியில் உருவாக்கியிருக்கின்றனர்.

இதை தான் டார்ஸ் கூப்பரிடம் 

they constructed

this three-dimensional space inside

their five-dimensional reality to

allow you to understand it என்கிறது.

ஆனால் டார்ஸோ அவர்களை the bulk beings என்கிறது.

இந்த வசனத்தை கூப்பர் போல் அல்லாமல் டார்ஸ் நேரடியாக அவர்களின் ஐந்தாவது பரிமாணத்தில் இருக்கிறது அதனால் தான் theyயாக(மனிதர்களாக) அவர்களை புரிந்துக்கொள்ள முடியாமல் பெரிய உயிரினங்கள் என்கிறது என புரியலாம்.

அதாவது மூன்றாவது பரிமாணத்திலேயே இருந்து பழக்கப்பட்ட டார்ஸ், திடீரென்று கண்ட ஐந்தாவது பரிமாணத்தை புரிந்துக்கொள்ள முடியாமல் வேறொன்றாக பார்க்கிறது. பார்த்து புரிந்துக் கொள்ள முடியாது குழப்புகிறது.

(ஒரு இரண்டு பரிமாண கோடு ஒரு கோளத்தை கண்டு குழப்புவது போல்)

இந்த பரிமாணம் வேலை செய்யவில்லை, தான் எது செய்தாலும் ஏற்கனவே நிகழ்ந்த நிகழ்வாகவே அது பதிவாகிறது என்கிறான் கூப்பர்.

நாம் நடந்ததை மாற்ற இங்கே வரவில்லை என்கிறது டார்ஸ்.

என்னிடம் உள்ள தகவல்களை பூமிக்கு அனுப்ப முயன்றும் முடியவில்லை என்கிறது ஐந்தாவது பரிமாணத்தில் இருக்கும் டார்ஸ்.

அதற்கு பொருள் டார்ஸால் அனுப்ப முடியவில்லை என்பது அல்ல, ஐந்தாவது பரிமாணத்தில் இருக்கும் மற்ற எதிர்கால மனிதர்களாலும் கூட அனுப்ப முடியாது என்பது தான்.

வெறும் ரேடியோ அலைகள் உட்பட வேறெந்த விசையும் அடுத்த பரிமாணத்தில் கசிவதில்லை.

எல்லா பரிமாணத்திலும் கசியும் ஒரே விசை ஈர்ப்பு மட்டுமே.

ஆனால் வெறும் ஈர்ப்பை மட்டுமே வைத்துக்கொண்டு எப்படி ஒரு க்வாண்ட்டம் டேட்டாவை அனுப்புவது!?

அதற்கு தான் கூப்பர் இங்கே கொண்டு வரப்பட்டிருக்கிறான் என்கிறது டார்ஸ்.

Wait wait... கூப்பர் தான் சரியான ஆள் என்று theyக்கு எப்படி தெரியும் அதானே?

இந்த கேள்விக்கான பதில் within the loopல் இருக்கிறது.

(Loopன் விதி தெரியும் தானே???)

அந்த Time loopக்கு உட்பட்டே அதற்கான லாஜிக்கையும் விளக்க முயல்கிறேன்.

ஏற்கனவே சொன்னது போல் எல்லா பரிமாணங்களிலும் கசியும் ஒரே விசை ஈர்ப்பு மட்டுமே.

இந்த லூப் உருவாகவில்லை என்று வைத்துக்கொள்வோம்.

சனி கிரகத்தின் அருகே ஒரு கருந்துளையை வைத்தாகிவிட்டது.

இப்போது பயணப்படுவதற்கான கலனை உருவாக்க பிராண்டுக்கு கருந்துளை தகவல் தேவை.

இதே போல் கடிகாரம் வழியாகவோ வேறெது வழியாகவோ குறிப்புகளை அனுப்பியாகியும் விட்டது.

அதை பிராண்ட் கருந்துளைக்கான தகவல் என்று தான் புரிந்துக் கொள்வார் என்பதில் நிச்சயமில்லை.

தொடர்ந்து 50ஆண்டுகளாக gravity anamoly பூமியை தாக்குவதாக சொல்லும் பிராண்டு இதையும் அதில் ஒன்றாகவே எடுத்துக்கொள்வார்.

எனவே அதை புரிந்துக்கொள்ளும்படியான ஒரு இயற்பியலாளர் தேவைப்படுகிறார்.

இதன் படி தேர்ந்தெடுக்கப்பட்டவளே மர்ஃபி.

இப்போது திரும்பவும் லூப்புக்குள் வருவோம்.

Who are they!?

Theyவை பற்றியும் அவர்களால் என்னவெல்லாம் செய்ய முடியும், அவர்களின் அறிவியல் அறிவு என்ன என்பது பற்றியுமெல்லாம் எந்த குறிப்புகளும் கொடுக்கப்படவில்லை.

எனவே

They என்பவர்கள் இரண்டு பேராக இருக்க வாய்ப்புண்டு என வைத்துக்கொள்ளலாம்.

1. எட்மண்ட் கிரகத்தில் அமிலியாவின் population bombல் உருவான மனிதர்களின் நீட்சி.

அவர்கள் வளர்ந்து அறிவியல் பேறறிவு பெற்று தமது முன்னோர்களான பூமி மனிதர்களை காப்பாற்ற கடந்த காலத்துக்கு வாம்ஹோலை உருவாக்கியது மட்டுமின்றி கருந்துளை தகவல்களை அனுப்ப மர்ஃபியை தேர்ந்தெடுத்தார்கள் என்று வைத்துக்கொள்ளலாம்.

ஏனென்றால் படத்தின் இறுதி காட்சி வரை வாம்ஹோலுக்கு அப்பால் வாழ தகுதியான கிரகம் இருக்கிறதா இல்லையா என்பது கூப்பர் உட்பட யாருக்கும் உத்தேசமாக தெரியாது.

(எட்மண்ட் கிரகம் செல்லும் முன்னரே கூப்பர் தப்பிவிடுகிறான்)

எனவே அதை அறிந்து வர சொல்லி கூப்பரை அமிலியாவிடம் அனுப்புகிறாள் மர்ஃபி.

எனவே அமிலியாவை தேடி செல்கிறான் கூப்பர்.

ஏன்கனவே சொன்னது போல் மொத்த டைம்லைனும் 125+50 வருடங்களை உள்ளடக்கியது.

மற்றும் இயற்பியல் விதி time is relative.

அமிலியாவை தேடி செல்லும் கூப்பருக்கு இப்போது எட்மண்ட் கிரகத்து புதிய மனிதர்களுக்கு எப்படி கருந்துளை தகவலை அனுப்ப வேண்டுமென்று யோசனை சொல்ல நன்றாகவே தெரியும்.

காரணம் டைம்லைன் படி பரிணாமங்கள் தாண்டி எப்படி தகவலை பறிமாற வேண்டும் என தெரிந்த ஒரே மனிதன் கூப்பர் மட்டுமே.

எனவே அமிலியா கிரகத்துக்கு செல்லும் கூப்பரே theyன் உதவியின்படி வாம்ஹோலை சனியருகே வைத்து time loopஐ தொடங்கி வைக்கிறான்.

2. அமிலியா/எட்மண்ட் கிரகம் வாழ தகுதியானது என கண்டறிந்து கலனுக்கு செய்தியனுப்புகிறான் கூப்பர்.

புதிய கிரகத்துக்கு வரும் பழைய மனிதர்களே அறிவியலில் முன்னேறி வாம்ஹோலை சனியருகே வைக்கின்றனர்.

இந்த இரண்டு வாய்ப்புகளோடு time loop நிறைவடைகிறது.

Theoryக்களோடு எதாவது முரண் கருத்துகள் இருந்தால் ட்விட்டரிலோ இங்கேயோ மென்ஷன் செய்யுங்கள்.

😀😀

நன்றி😋

-ராஜ்குமார்@RajiTalks