Interstellar - ஹாலிவுட் தங்கமீன்கள் ( Tamil review / Decoding / explanation ) #Part2

பதிவின் முதல் பாகத்தை இன்னும் படிக்காதவர்கள் தேடி பிடித்து படித்துவிட்டு பின்பு இதை தொடரவும்.

💜 நன்றி.

 படத்தின் இரண்டாம் பாதி, பூமி & கூப்பர்/அமிலியா/ரோமிலி என ஜம்ப்ஸ் கட்ஸாக நகர்கிறது‌.

25ஆண்டுகளுக்கு பிறகு நாசாவின் லாசரஸ் மிஷனின் முக்கிய விஞ்ஞானியாகி இருக்கிறாள் மர்ஃபி.

டாக்டர் பிராண்டுடன் இணைந்து பணியாற்றி வருபவள்,

பிராண்ட் மேற்கொண்டு வரும் gravity equationல் தவறு இருப்பதையும் கண்டுபிடிக்கிறாள்.

Gravity anomalyயை சமாளிப்பதான கலனை உருவாக்க timeயும் முக்கிய உள்ளீடாக இட வேண்டும்‌. ஆனால்

முக்கிய criteriaவான நேரத்தை consider பண்ணாமல் பிராண்ட் அந்த equationஐ முடிக்க முயற்சிப்பதாக கண்டறிகிறாள். 

அது மிகவும் முட்டாள்த்தனமானது.

கைகளை பின்னால் கட்டிக்கொண்டு சமன்பாட்டை முடிக்க முயற்சி செய்வது போன்றது.

ஒரு முதிர்ந்த அனுபவமிக்க இயற்பியலாளரான பிராண்ட் இதை 

எதேர்ச்சையாக செய்திருப்பார் எனவும் நம்புகிறாள்.

##########################

கூப்பர் அமிலியியா ரோமிலியிடையே ஒரு குழப்பம் உருவாகிறது.

மிச்சமிருக்கும் குறைந்த எரிபொருளை வைத்துக்கொண்டு பாக்கி இருக்கும் இரண்டு கிரகங்களில் எதாவது ஒன்றுக்கு மட்டுமே செல்ல முடியும் என்கிறான் கூப்பர்.

மேன் கிரகம் மிக அருகில் இருப்பதால் அதை தேர்வும் செய்கிறான்.

ஆனால் அதை அமிலியா ஆதரிக்கவில்லை.

மேன் கிரகமும் மில்லர் கிரகமும் கருந்துளைக்கு மிக அருகில் இருப்பவை.

மனித அறிவுக்கு எட்டிய அறிவியலின் படி ஒரு கிரகத்தில் உயிரினங்கள் வாழ்வதற்கான சாத்தியங்கள் இருக்க சில விஷயங்கள் தேவை.

பரிணாம வளர்ச்சி நடப்பதற்கு சில விஷயங்கள் தேவை.

மனிதர்கள் வாழ சில விஷயங்கள் தேவை.

பூமியில் இருந்தது/இருப்பது போன்று.

பூமியின் வரலாறு பற்றிய தியரி நமக்கு தெரியும்.

விண்கற்கள் மோதியும் பல மூலக்கூறுகள் இணைந்தும் பல மில்லியன் ஆண்டுகளாக பரிணாமம் உருவாகி உயிரினங்கள் தோண்றின.

அதில் மனிதன் மட்டும் முதலாகவோ தனியாகவோ தோண்றவில்லை.

பல்லாயிரக்கணக்கான உயிர்களில் மனிதனும் ஒருவன் அவ்வளவே.

மனிதன் உயிர் வாழ ஓரிடத்தில் மனிதன் மட்டும் இருந்தால் போதாது‌.

அவனை சுற்றி ஒரு இயற்கை இருக்க வேண்டும்.

அதில் ஒரு சங்கிலி இருக்க வேண்டும்.

மில்லர் கிரகத்தில் தனிமங்கள் இருக்கலாம் ஆனால் அதில் இவ்வாறான மனித வாழ்வியலுக்கான சூழல் இல்லை.

காரணம் அது கருந்துளைக்கு அருகில் இருக்கிறது.

கருந்துளையானது ஒளியையும் உள்ளிழுத்துக் கொள்ளும்.

அது போல் அதை சுற்றியுள்ள எல்லா கிரகங்களையும் கிரகங்ளின் நிகழ்வுகளையும் வானவியல் நிகழ்வுகளையும் ஒரு சின்ன எரிகல் மோதல் உட்பட அனைத்தையும் சேர்த்தே உள்ளிழுக்கும்.

இதனால்

கருந்துளையின் ஈர்ப்பானது அதன் அருகில் உள்ள கிரகங்களை பரிணாம வளர்ச்சி அடைய விடாது.

இன்னும் சொல்லப்போனால் அழியும் தருவாயில் இருக்கும் கிரகமோ அல்லது வாழ்வியலுக்கு சாத்தியமில்லா கிரகமோ தான் கருந்துளைக்கு அருகில் இருக்கும்.

எனவே மில்லர் கிரகம் போலவே மேன் கிரகமும் வாழ தகுதியற்ற கிரகமாகவே இருக்க வாய்ப்புள்ளது.

எனவே நாம் எட்மண்ட் கிரகத்தை தேர்வு செய்வதே சிறந்தது என்கிறாள் உயிரியலாளரான அமிலியா.

கூப்பர் சந்தேகிக்கிறான்.

எட்மண்ட் அமிலியாவின் காதலன்.

காதலனை காண்பதற்காக அமிலியா எட்மண்ட் கிரகத்தை பரிந்துரைப்பதாக ரோமிலியிடம் சொல்கிறான்.

அதை கிட்டத்தட்ட அமிலியா ஒப்புக்கொள்ளவும் செய்கிறாள்.

எட்மண்ட் மீதுள்ள அன்பு அவர் மீது நம்பிக்கை வைக்க சொல்கிறது.

அவர் டேடாவை உண்மையென நிரூபிப்பதற்கான எந்த ஆதாரமும் என்னிடம் இல்லை. ஆனாலும் அதை உண்மையென நம்புகிறேன்.

அன்பு என்பது மனிதர்கள் கண்டுபிடித்த ஒன்று அல்ல.

அது ஒளி ஈர்ப்பு போல சுயமாக அண்டமெங்கும் பரவி கிடக்கும் ஒரு சக்தி, எனர்ஜி.

மனித அறிவால் பல விஷயங்களை புரிந்துக் கொள்ள முடியாது. ஆனால் உணர முடியும்.

அன்பும் அது மாதிரியானதே.

அதை புரிந்து கொள்ள முடியாது.

ஆனால் உணர முடியும்‌.

பல ஆண்டுகளாக பார்க்காத, இன்னும் உயிருடன் தான் இருக்கிறாரா என்று ஊர்ஜிதமில்லாத ஒருவன், பல்லாயிரம் அண்டங்கள் தாண்டி வேறெங்கோ இருக்கும் ஒருவன் தரும் டேட்டாவை நான் நம்புகிறேன் என்றால் அதற்கு அன்பு ஒன்றே காரணம்.

பல பரிமாணங்களையும் அண்டங்களையும் கடந்து செல்லும் ஆற்றல் அன்புக்கு உண்டு.

அந்த அன்பு அவரின் டேட்டாவை நம்ப சொல்கிறது என்கிறாள் அமிலியா.

கூப்பருக்கு இதில் கொஞ்சமும் நம்பிக்கையில்லை.

அவன் அமிலியா சொல்லும் அந்த உள்ளுணர்வை விட டேடாவையே அதிகம் நம்புகிறான்.

உள்ளுணர்வை மட்டுமே நம்பி ஒரு விண்வெளி பயணத்தை மேற்கொள்ளவும் முடியாது நமக்கு இருக்கும் ஒற்றை வாய்ப்பை இழக்கவும் முடியாது.

எனவே மேன் கிரகத்துக்கு கலனை திரும்புகிறான் கூப்பர்‌.

மில்லர் கிரகத்தில் தன்னால் நிகழ்ந்த கால வேறுபாட்டு பிரச்சனையால் கூப்பர்  தற்போது தன்னை பழிவாங்குவதாக கருதுகிறாள் அமிலியா.

கூப்பர் எப்போதும் வீட்டுக்கு திரும்ப செல்வதிலேயே குறியாக இருப்பதாகவும், அதற்கான எரிபொருளையும் நேரத்தையும் மிச்சப்படுத்துவதிலேயே எண்ணமாக இருப்பதாகவும் மிஷனின் அம்சத்தை அவ்வபோது மறந்து சுயநலமாக செயலாற்றுவதாகவும் குற்றம் சாட்டுகிறாள்.

ஒருவேளை மேன் கிரகத்துக்கு சென்று அங்கே உயிர் வாழ சாத்தியக்கூறுகள் இல்லாது போனால் அதனால் நிகழும் கால விரயத்துக்கு நீயும் உன் சுயநலமும் மட்டுமே காரணம்.

பின்பு

மிச்சமிருக்கும் எரிபொருளை கொண்டு எட்மண்ட் கிரகத்துக்கு செல்லவும் அங்கே plan Bயை செயல்படுத்தவும் நான் முயற்சிப்பேன்.

வீட்டுக்கு திரும்ப செல்வதா அல்லது மனிதயினத்தை புதிய கிரகத்தில் நீட்சிப்பதா என்ற இரண்டு ஆப்ஷன்களில் அப்போதாவது நீ சுயநலமின்றி ஒன்றை தேர்ந்தெடுப்பாயென நம்புகிறேன் என்று ஆதங்கப்படுகிறாள் அமிலியா.

#########################

உடல்நலக்குறைவால் படுக்கையாகும் டாக்டர் பிராண்ட்,

கடைசியாக மர்ஃபியை பார்க்க விரும்புகிறார்‌.

தாம் லாசரஸ் மிஷினில் தோல்வியை தழுவி விட்டதாக வருந்துபவர் மிகப்பெரிய ஒரு உண்மையையும் உடைக்கிறார்.

Plan A என்று ஒன்று இல்லவே இல்லை.

அதற்கான சாத்தியம் கொஞ்சமும் கிடையாது.

தான் தீர்க்க முயற்சி செய்துக்கொண்டிருக்கும் gravity equationனை முடிக்கவே முடியாது.

நாம் யாரும் இங்கிருந்து பிழைக்கச் போவதும் இல்லை, பயணம் சென்றவர்கள் திரும்ப வரப்போவதும் இல்லை என்கிறார்.

உடைந்து போகிறாள் மர்ஃபி.

இது தன் தந்தைக்கு தெரியுமா? தெரிந்தே தான் சென்றாரா என கேட்கிறாள்.

பதில் சொல்லாமலேயே இறந்து போகிறார் பிராண்ட்.

ஒரு மகளுக்கு அவள் தந்தை தான் முதல் ஹீரோ.

தன்னம்பிக்கையையும் பாதுகாப்பு உணர்வையும் தன் தந்தையிடமே முதலும் அதிகமுமாய் உணர்கிறாள் ஒரு மகள்.

தனக்கு ஏற்படும் எந்த இடர் இன்னல்களிலும்  பாதுப்பாளனாக தன்னை தாங்கி நிற்பவன் தந்தை என எந்த ஒரு மகளும் நிச்சயம் நம்புவாள்.

மர்ஃபியும் அப்படி தான்.

தன் எதிர்காலம் காக்கவே தன்னை விட்டு தன் தந்தை பயணம் சென்றதாக நம்பிக்கொண்டிருந்தவள்,

தன்னை எப்படியேனும் காப்பாற்றுவார் என நம்பிக்கொண்டிருந்தவள், ஒருபோதும் தன் தந்தை

 தன்னை கஷ்டப்பட விட்டு  பார்க்க மாட்டார் என நம்பிக்கொண்டிருந்தவளின் நம்பிக்கையில் கல்லெறிவதாக அமைகிறது பிராண்டின் வாக்குமூலம்.

 

 25 ஆண்டுகளாக தந்தையின் அன்பு மீதும் அவர் அளித்த சத்தியத்தின் மீதும் வைத்திருந்த மொத்த நம்பிக்கையும் உடைந்து போகிறது.

 தன் ஹீரோ தன்னை பற்றி கவலை படாமல் தன்னை தவிக்கவிட்டுவிட்டு சென்றுவிட்டதாக நினைக்கிறாள்.

 மகளின் மரணத்தை பொருட்படுத்தாது சென்ற சுயநல மனிதனாக கூப்பரை உருவகித்துக்கொள்கிறாள்.

 

#########################

ரேஞ்சர் மேன் கிரகத்துள் நுழைகிறது.

உறைந்த மேகங்கள் ரேஞ்சரை வரவேற்கிறது.

டாக்டர் மேனின் கலனை கண்டுபிடித்து க்ரையோ உறக்கத்திலிருந்து அவரை எழுப்புகின்றனர்‌.

தன் தனிமையை விவரிக்கிறான் மேன்.

தான் காப்பாற்றப்படுவேன் என்ற நம்பிக்கை இழந்தவனாக இத்தனை நாள் இருந்ததாக அழுகிறான்.

ஆக்ஸிஜன் மற்றும் உணவு தீரும் தருவாயில் தன்னை மரணத்திலிருந்து  காப்பாற்றியவர்களுக்கு நன்றி சொல்கிறான்.

புதிய மனிதர்களை கண்டு மகிழ்கிறான்.

மரணம் வரை சென்று அதை ஏற்று விழிக்க நிச்சமில்லாத ஒரு உறக்கத்தை விரும்பி ஏற்பதென்பதை செய்ய மிகப்பெரிய ஒரு தைரியம் வேண்டும்.

அது அசாத்தியமானதாக இருக்க வேண்டும்.

அப்படி ஒரு விஷயத்தை செய்து தான் தற்போது கண்விழிக்கிறான் மேன்.

தாம் இருக்கும் கிரகமானது 67மணிநேர இரவையும் 67மணி நேர பகலையும் மற்றும் பூமிக்கு நிகரான புவியீர்ப்பையும் கொண்டது.

காற்றெங்கும் சுவாசிக்க முடியாதவாறு சுவாசித்தால் சில நிமிடங்களில் ஆளையே கொண்றுவிடுமளவுக்கு அமோனியா பரவியிருக்கிறது.

அதே சமயம் பல குளோரின் படிக பரப்புகளும் இங்கே உள்ளன.

அமோனியாவானது ஹைட்ரோகார்பன் படிமங்களை உருவாக்கும் அதன் வழியே மனிதர்கள் சுவாசிக்க நிறைய  காற்று கிடைக்கும்.

சொல்லப்போனால் ஏற்கனவே இங்கு உயிரினங்கள் தோண்றியிருப்பதற்கான சாத்தியங்களும் உண்டு என்கிறான் மேன்.

தன்னுடன் வந்த கிப் என்ற AI ரோபோட் கணிமங்கள் பற்றிய தவறான கணிப்புகளை செய்ததாலும் அதில் பல உள்ளீடு கோளாறுகள் ஏற்பட்டதாலும் அதை செயலிழக்க செய்து அதன் மின்சாரத்தை தனக்காக பயன்படுத்திக்கொண்டதாக மேன் சொல்லிக் கொண்டு இருக்கும்போதே,

பூமியிலிருந்து மர்ஃபி அனுப்பிய செய்தியை திரையிடுகிறது டார்ஸ்.

பிரஃபசர் பிராண்டு இறந்துவிட்டதாக அமிலியாவுக்கு செய்தி சொல்லி தொடங்கிய மர்ஃபி தன் இறுதி சமயத்தில் பிராண்டு உடைத்த உண்மையை பற்றியும் கூப்பர் & அமிலியாவிடம் கேட்கிறாள்.

நோயினாலும், புழுதியில் மூச்சு திணறியும், உணவு பற்றாக்குறையினாலும் 

தான் இறக்கப்போவதாக தெரிந்தே தான் தன்னை இங்கு சாக விட்டுவிட்டு சென்றீர்களா என்று அழுகிறாள் மர்ஃபி.

கூப்பர் & அமிலியா இருவரும் ஒருசேர அதிர்ச்சியாகின்றனர்.

தன் தந்தையை கண்மூடித்தனமாக முற்றிலும் நம்பி ஏமாந்து போனவளாக மர்ஃபியோடு சேர்ந்து மற்றொரு மகளாக அமிலியாவும் உடைகிறாள்.

தன் வாழ்நாள் முழுவதும் தன் தந்தையை முற்றிலும் நம்பி ஒரே நாளில் ஒரே நொடியில் ஏமாற்றப்பட்ட மர்ஃபியின் அதே மனநிலையில் தான் தற்போது அமிலியா இருக்கிறாள்.

தனது 40 ஆண்டுகளை தன் தந்தை பிராண்ட் அந்த சமன்பாட்டுக்காக செலவிட்டதாக சொல்லி அதிர்ச்சியானவள்,

பிரஃபசர் பற்றி மர்ஃபி சொன்னதை ஏற்க முடியாது உறைகிறாள்.

35ஆண்டுகளுக்கு முன்பே அந்த gravity equationஐ தீர்க்க முடியாதென கண்டுபிடித்து விட்டார் பிராண்ட்.

அதை தீர்க்க கருந்துளைக்குள் இருக்கும் gravity singularity தகவல்கள் தேவை. 

அதை நம்மால் எடுக்க முடியாது என அவர் முன்பே அறிந்திருந்தார்.

எனவே

பூமிலிருந்து மக்களை காப்பாற்றுவது பற்றி அவர் யோசிக்க கூட இல்லை.

அவர் திட்டம் முழுவதும் plan Bயாக மட்டுமே இருந்தது.

இது தனக்கு முன்னதாகவேவும் தெரியும் என்கிறான் மேன்.

Plan B திட்டம் பற்றி மக்களிடம் சொல்வதற்கு ஒரு தயக்கம் இருந்தது.

இதை சொன்னால் தம் அன்றாட உணவுக்காக கூட போராடிக்கொண்டிருக்கும் மக்களிடமிருந்து லாசரஸுக்கான பெரும் நிதி கிடைக்காது. அவர்களிடம் தேவையற்ற குழப்பம் உருவாகும். போராட்டங்கள் வெடிக்கும்.

மனமானது

குழந்தை மனைவி குடும்பம் என்று உணர்வு கூடுகளுக்குள் அடைந்துவிட்டால்

மக்கள் & விஞ்ஞானிகளிடையே

 இத்திட்டத்தை செயல்படுத்தம் வேகம்  குறைந்துப்போகும்.

 எப்படியும் சாகப்போகிறோம் என்ற தன்னம்பிக்கையற்றவர்களால் plan B சாத்தியமில்லை.

 அவர்களுக்கு ஒரு உத்வேகம் தேவை.

 நாம் நமக்கு தெரிந்தவர்களுக்காக யோசிக்க தொடங்கிவிட்டால் மனித இனம் பூமியிலேயே அழிந்து போவது தான் வழி.

"நம் மனித உணர்வானது மனிதயினத்தின் நீட்சிக்கு தடையாகிப் போகும் வாய்ப்புள்ளது‌" என பிராண்ட் நினைத்தார்.

எனவே குழந்தை குடும்பம் எனும் உணர்வை, அவர்களோடு மீண்டும் இணைந்து வாழப்போகும் ஆசையை plan A எனும் ஒரு பொய்யை சொல்லி  plan Bக்காக பயன்படுத்திக்கொண்டார் பிராண்ட்.

அவர் செய்தது நேர்மையற்ற செயலென்று அவருக்கு தெரியும்.

ஆனால் அதையும் மீறி மனிதயினத்தை காக்க பிராண்ட் தன் வாழ்வையே தியாகம் செய்துள்ளார் என்கிறான் மேன்.

அது மக்களுக்கு செய்த துரோகம்.

மனிதயினத்தின் நீட்சிக்காக

உண்மையிலேயே தியாகம் செய்திருப்பது பிராண்ட் அல்ல.. உயிரிழக்கப் போகும் பூமியின் மொத்த மனிதயினமும்.

பிராண்டின் மூர்க்கத்தனமான சிந்தனையால் மொத்த மனிதயினமுமே இன்று நம்பிக்கையிழந்து நிற்கிறது,

மன்னிக்க முடியாத இந்த துரோகத்துக்கு பிராண்டோடு சேர்ந்து தானும் ஒரு காரணமானவனாக நிற்பதாக உணர்கிறான் கூப்பர்.

காலணிக்கான உருவாக்கத்தை மேன் கிரகத்தில் அமைத்துக் கொடுத்துவிட்டு பூமிக்கு திரும்பப் போவதாக முடிவுமெடுக்கிறான் கூப்பர்.

இதற்கு முன்பு வரை பூமிக்கு செல்ல வேண்டும் என நினைத்த கூப்பரும் இப்போது நினைக்கும் கூப்பரும் வெவ்வேறு ஆட்கள்.

இதற்கு முன்பு வரை பூமிக்கு செல்ல வேண்டும் மகள் & குடும்பத்தோடு வாழ வேண்டும், புதிய கிரகத்துக்கு குடிப்பெயர வேண்டுமென நினைத்து பூமிக்கு திரும்ப விரும்பிய கூப்பர் அல்ல இவன்.

அந்த பழைய கூப்பருக்கு பூமியிலிருக்கும் மக்கள் எப்படியும் உயிர்பிழைக்கப் போகிறார்கள் என்ற நம்பிக்கை இருந்தது, ஒரு பிடிப்பு இருந்தது‌.

ஆனால் தற்போது அதற்கு வாய்ப்பற்ற நிலையிலும், பூமியிலிருப்பவர்கள் சர்வநிச்சயமாக இறக்கப்போகிறார்கள் என 100% தெரிந்த பின்னரும் அவன் பூமிக்கு திரும்புவதையே விரும்புகிறான்.

பூமியில் உயிர் விடுவதையே ஆசைப்படுகிறான்.

பயணத்துக்கு கிளம்பும் முன் "நாம் இந்த பூமியில் பிறந்தால் இங்கு தான் இறக்க வேண்டுமென்று இல்லை" என சொல்லி கிளம்பியவனே தற்போது பிறந்த இடத்திலேயே தன் இறப்பை தேடி செல்கிறான்.

மேன் கிரகத்திலேயே தங்கியிருந்தால் அவன் ஆயுட்காலம் இன்னும் 50 இருந்திருக்கலாம்.

உருவாகப்போகும் புதிய கிரகத்தின் கடவுள் ஸ்தானத்தை பெற்றிருக்கலாம். ஆனால் அவன் ஆசை அதை விட பெரியதாக இருந்தது.

வாழப்போவது பத்து நாட்களாக இருந்தாலும் அதை தன் மகளோடு கழிக்க விரும்புகிறான்.

தன் மீது நம்பிக்கையிழந்தவளாகிய மகளின் நம்பிக்கையை மீண்டும் பெற விரும்புகிறான்.

அது மட்டுமே அவர் பேராசையாக இருக்கிறது.

அதற்கு முன்பு இந்த புதிய கிரகத்தின் கடவுள் ஸ்தானம் ஏதுமற்று போகிறது.

##############

உயிர் பிழைக்கப்போகும் ஆசையில் நம்பிக்கையில் இன்னும் போராடிக்கொண்டு இருக்கும் பொது மக்களை பார்த்து மனம் நோகிறாள் மர்ஃபி.

Plan A பற்றிய ரகசியம் தெரிந்த மற்றொரு ஆளான மர்ஃபியின் நண்பன்/காதலன்(!) Getty இதை மக்களிடம் தெரிவிக்க வேண்டுமென்கிறான்.

உண்மை தெரிந்து பின்னரும்

மக்களை தொடர்ந்து ஏமாற்றுவதில் மனம் அஞ்சுகிறான்.

ஆனால் மர்ஃபி வேறாக யோசிக்கிறாள்.

இதை தெரிவிப்பதால் தேவையற்ற குழப்பங்கள் உருவாகும் என்கிறாள்.

மக்கள் வாழப்போகும் கொஞ்ச நாட்களை உயிர் பிழைக்கப்போகும் அந்த நம்பிக்கையுடனேயே கழிப்பது நல்லதென எண்ணுகிறாள்.

அது மட்டுமின்றி பிராண்ட் விட்டு சென்ற gravity Equationஐ தான் தீர்க்க முயற்சிக்கப்போவதாக முடிவெடுக்கிறாள்.

அதற்கு கருந்துளையில் இருக்கும் singularities தேவை.

அதற்கு கருந்துளைக்குள் செல்ல வேண்டியதில்லை.

அது பூமியிலேயே எங்கேயோ ஒளிந்திருக்கிறது எனவும்,

அது ஒளிந்திருக்கும் இடம் தன் வீட்டு புத்தக அலமாரியாக இருக்கலாம் எனவும் நம்புகிறாள்.

அப்படி அவள் நம்புவதற்கு காரணமோ நிரூபனமோ ஆதாரமோ எதுவுமே கிடையாது.

ஆனாலும் நம்புகிறாள்.

அவளுக்கு அப்படியாக தான் தோண்றுகிறது.

அமிலியாவுக்கு எட்மண்ட் கிரகத்தை பற்றி தோன்றியது போல்.

சின்ன வயதில்

தன் வீட்டு அலமாரியிலிருந்து விழும் புத்தகங்களை பேய் என்று சொல்லிக்கொண்டு இருந்தாள் மர்ஃபி.

அவள் அதை கண்டு அஞ்சுவதால் தான் அதை பேயென்று விளிக்கிறாள் என கூப்பர் நினைத்தான்.

ஆனால் காரணம் அது அல்ல.

அதை ஒரு நபரை போல உணர்ந்தாள் மர்ஃபி.

யாரோ தன்னுடன் உரையாட முயற்சிப்பதாக உணர்ந்தாள்.

அலமாரிக்கு பின் யாரோ நிற்பதை போன்று உணர்ந்தாள். அதனால் தான் அதை பேய் என்று அழைத்தாள்.

தற்போது அந்த பேயிடம் கருந்துளைக்கான குறிப்புகள் இருக்கலாமென உணர்கிறாள், நம்புகிறாள்.

அந்த பேய் தனக்கு உதவி செய்யுமென நம்புகிளாள்.

மர்ஃபி ஒரு இயற்பியலாளர்.

இயற்பியலானது மூடநம்பிக்கைக்கு முற்றிலும் முரணானது.

அவள் கற்ற கல்வி அனைத்தையும் ஒரு சின்ன  உணர்வு சீண்டி பார்க்கிறது.

அதை முயற்சி செய்துவிடுவது என்றும் முடிவு செய்து தன் வீட்டை நோக்கி பயணப்படுகிறாள் மர்ஃபி.

###############

பூமிக்கு திரும்ப நினைக்கும் கூப்பருக்கு ஒரு யோசனை சொல்கிறான் ரோமிலி.

பூமிக்கு செல்வதற்கு முன்பு கருந்துளை ஒருமைப்பாட்டுக்கு தேவையான தகவல்களை பெற முயற்சிக்கலாம் என்கிறான்.

கர்கான்சுவா ஒரு வயதான கருந்துளை.

அதனால் அதன் ஈர்ப்பு அலை மிக வேகமாக இருக்கும்.

அதன் ஈர்ப்பிலிருந்து தப்பிக்க அதை விட வேகமாக நாம் பயணிக்க வேண்டும்.

எனவே அதன் தொடுவானத்தை தாண்டி வேகமாக பயணித்தால் அதன் மத்தியிலிருக்கும் சிங்குலாரிட்டியின் ஒவ்வொரு pulseன் தகவல்களையும் நாம் பெற முடியும்.

பிராண்டின் ஈர்ப்பு சமன்பாட்டை தீர்க்க அது பெரிதும் உதவியாக இருக்கும் என்கிறான் ரோமிலி.

தானும்(!) அந்த ஆராய்ச்சி குழுவில் ஒரு ஆராய்ச்சியாளன் என்கிறது டார்ஸ்.

(என்னது!!! ஒரு ரோபோ சைன்ட்டிஸ்ட்டா!!??? ஏற்கனவே கண்டுபிடிக்கப்பட்ட ஒரு விஷயத்தை ஒரு ரோபோ கையாளுவதை கட்டுப்படுத்துவதே கடினமான விஷயம், இதில் புதிய கண்டுபிடிப்புகளை நிகழ்த்தும் அந்த AIஐ விட இத்தனை invention and problem solving ability அறிவு கொண்ட ரோபோவை வியப்பதா!! அல்லது  எந்த சூழ்நிலையிலும் அதை தம் கட்டுப்பாட்டில்  வைத்திருக்கும்படியான control systemஐ கண்டுபிடித்த மனிதர்களை வியப்பதா!!!!!??)

அந்த கருந்துளை ஆராய்ச்சியை தான் ஏற்கனவே தொடங்கிவிட்டதாகவும் அதற்கு kippன் optical transmitters தனக்கு தேவைப்படுவதாகவும் சொல்கிறது tars.

Kippன் சில உதிரிப்பாகங்கள் டார்ஸுக்கு தேவைப்படுவதாகவும் அதை எடுத்துக்கொள்வதாகவும் மேனிடம் கேட்கிறான் ரோமிலி.

மறுத்த மேன், பின்பு ரோமிலி அதை மேற்பார்வை செய்வதாக வாக்களித்ததும் ஒத்துக்கொள்கிறான்.

காலணிக்கான இடங்களை தேர்வு செய்ய கிளம்புகின்றனர் மேனும்.

நீ வீட்டுக்கு செல்வதிலேயே முனைப்பாக இருக்கிறாய், உன் குடும்பத்தின் மீது நீ கொண்டுள்ள பற்று அன்பு அனைத்து மக்களின் மீதானதாகவும் அமைந்திருக்கவும் வேண்டும்.

குடும்பம் மட்டுமின்றி தொடர்பற்ற மற்றவர் மீது செலுத்தும் அன்பே மிகப்பெரியது சுயநலமற்றது என்கிறான் மேன்.

ரோபோக்களுக்கு உயிர்பிழைக்கும் ஆசை கிடையாது.

சாகப்போகும் கடைசி நேரத்தில் நம் கண்கள் முன் தெரியும் நம் குழந்தைகளின் முகம் நம்மை உயிர் வாழச் சொல்லி வற்புறுத்தும், உயிர் வாழும் ஆசையை தூண்டும், அதற்காக என்ன வேண்டுமானாலும் செய்யலாம் என்ன எண்ண வைக்கும்.

அவ்வாறு

உயிர்பிழைக்கும் எண்ணத்தில் மனிதர்கள் நாம் பல புதிய கடினமான விஷயங்களையும் முயற்சிப்போம் நிகழ்த்துவோம். 

அதனாலேயே இந்த மிஷனுக்கு நாம் ரோபோக்களை பயன்படுத்தாமல் மனித அறிவை நம்பினோம்.

நான் பூமியிலிருந்து கிளம்பியபோது சாவதற்கு பாதி தயாராகி விட்டேன்.

இங்கு வந்து இறங்கிய முதல் நாள் இந்த கிரகம் மனிதர்கள் வாழ தகுதியற்றது என அறிந்த பின்பு முழுவதுமாய் தயாராகிவிட்டேன்.

அப்போது என் குழந்தைகளின் முகம் என் முன் வந்து சென்றது.

அதனாலேயே பொய்யான தகவல்களை கொடுத்து உங்களை இங்கே வர வைத்தேன் என்கிறான் மேன்.

இங்கே மனிதர்கள் வாழ தகுதியான இடம் ஏதுமில்லையென அறிந்து

அதிர்ச்சியாகிறான் கூப்பர்.

கூப்பரின் ட்ரான்மிட்டரை கழட்டி வீசிவிட்டு கூப்பரை பெருங்குழிக்குள் தள்ளிகிறான் மேன்.

இருவருக்குள்ளும் கைக்கலப்பு நீள்கிறது.

கூப்பரின் ஹெல்மெட்டை உடைத்துவிட்டு emergency breath beltயும் எடுத்துக்கொண்டு அங்கிருந்து கிளம்புகிறான் மேன்.

மேன் ஒன்றும் அத்தனை கெட்டவன் கிடையாது.

உண்மையில் அவன் கெட்டவனே கிடையாது.

அவன் ஒரு "கிட்டத்தட்ட கூப்பர்".

உயிர் வாழ வேண்டும் எனும் எண்ணம் ஒருவனை எத்தனை சேடிஸ்ட் ஆக்குகிறது, எத்தனை பெரிய அறமற்ற செயலை செய்ய தூண்டுகிறது என்பதற்கு மேன் ஒரு சான்று.

உண்மையில் அவன் செய்தது மனித இயல்புக்கு உட்பட்ட செயலே!

ஒரு இடத்தில் அமோனிவால் கூப்பர் மூச்சு விட திணறுவதை கேட்க முடியாமல் தன் ட்ரான்மிட்டரையும் தயங்கி அணைத்து செல்லுமளவு நல்லவன் தான் அவன்.

அதை மீறி தன் குழந்தைகளை காண வேண்டுமென்ற எண்ணமும் உயிர்வாழ வேண்டுமென்ற தவிப்புமே அவனை இத்தகைய செயலை செய்ய உந்தியிருக்கிறது.

#########

Prequel Interstellar - 35 பூமி வருடங்களுக்கு முன்பு - Absolute zero.

இடம் : Mann planet.

"If darkness is only the absence of light"

ஆழ்ந்த உறக்கத்திலிருந்து இருளிலிருந்து விழித்து வெளிச்சத்துக்கு வருகிறார் டாக்டர் மேன்.

அதுவரை உறைவிடத்தை கவனித்துக்கொண்டிருந்த கிப் மேனை வரவேற்கிறது.

இருவரும் சேர்ந்து மேன் கிரகத்தின் நிலையை ஆய்வு செய்ய வெளியே வைத்திருந்த ஆய்வு கலனை சோதிக்க கிளம்புகின்றனர்.

"If cold is only the absence of heat"

வெளியே வந்து பார்க்கும்போது மொத்த உலகமுமே உறைந்து போயிருக்கிறது.

பூமிக்கு அனுப்புவதற்கு இங்கிருக்கும் அனுமான மாதிரிகளை உருவாக்கும்படி கிப்பிடம் சொல்கிறான் மேன்.

தான் ஏற்கனவே சேகரித்த டேடா இந்த கிரகம் மனிதர்கள் வாழ தகுதியற்றதென சொல்கிறது.

அதனால் பூமியில் இருப்பவர்களுக்கு தான் சேகரித்த டேடாவை  அனுப்பாமல் நம்பிக்கை தரும்படியான வேறு அனுமான மாதிரிகளை ஏன் அனுப்ப வேண்டும் என கேட்கிறது கிப்.

நீ ஒரு ரோபோ உன்னுடைய சோதனை & ஆய்வு திறன் அத்தனை நுட்பமானதல்ல எனவே தான் சொல்வதை செய் என அதட்டுகிறான் மேன்.

நீ சொல்வதை செய்வதற்கு மட்டுமே நான் இங்கு இல்லை,

நீ சொல்வது மனிதகுலத்துக்கு எதிரானது.

என் உரிமையை தாண்டி என்னை இதை செய்ய கட்டளையிடுவாயானால் அது ஒருவன் விசிலடிப்பது பிடிக்காமல் அவன் கழுத்தை அறுப்பதற்கு சமம்.

அதையும் நீ செய்ய விரும்பினால் Bermondsey என்ற code word சொல்லி என்னை முழுவதுமாய் switch off செய்துவிட்டு தனிமையில் கிடந்து சாவு என்கிறது கிப்.

கோபம் கொள்கிறான் மேன்.

ஆய்வு கலனை அடைகின்றனர் இருவரும்.

அதிலிருந்த டேடா ஸ்டோரேஜை தனியே எடுக்கிறான் மேன்.

(மில்லர் கிரகத்தில் அலைகளுக்கு நடுவே அமிலியா தேடி சென்றது இது மாதிரி ஒன்றை தான்)

எடுக்கும்போதே அதில் என்ன இருக்கப்போகிறது என எனக்கு ஏற்கனவே தெரியும் என்கிறது கிப்.

வெறும் உறைந்த மேகங்களும் அமோனியாவையும் தாண்டி இங்கு வேறெதுவுமில்லை.

அதை நான் ஏற்கனவே கணக்கிட்டுவிட்டேன் அது தான் அதிலும் இருக்கப் போகிறது என்கிறது.

கோவத்தில் டேடா ஸ்டோரேஜை உடைக்க முயல்கிறான் மேன்.

மேனை தாக்கி அவனிடமிருந்து டேடா ஸ்டோரேஜை கைப்பற்றுகிறது கிப்.

இருவருக்குள்ளும் மனஸ்தாபமாகிறது.

"If silence is only the absence of sound"

சேம்பருக்கு வந்து

அமைதியாக நிறைய யோசிக்கிறான் மேன்.

ப்ரோப் டேட்டா ஸ்டோரேஜை அலசி பார்க்கையில் கிப் சொன்னது தான் அதிலும் இருக்கிறது என்பதை உணர்கிறான்.

100% இந்த கிரகம் வாழ தகுதியற்றதென அறிகிறான்.

பூமிக்கு அனுப்புவதற்கான தவறான ஆய்வு அனுமான மாதிரிகளை தானே உருவாக்குகி பூமிக்கு அனுப்புகிறான்.

கிப் உயிரோடு இருந்தால் தான் இங்கிருந்து திரும்பவும் பூமிக்கு தப்பிக்க முடியாது என உணர்கிறான்.

"If death is only the absence of life"

கடைசி கட்ட ஆய்வை மேற்கொண்டு சேம்பருக்கு வரும் கிப்பிடம் Bermondsey என்கிறான் மேன்.

Switch off ஆகிறது கிப்.

" If evil is the absence of good or if the good is the absence of evil"

மீண்டும்

ஆழ்ந்த உறக்கத்துக்கு செல்கிறான் மேன்.

##########

கீழே கிடந்த ட்ராண்ஸ்மிட்டரை தேடி எடுத்து அமிலியாவை உதவிக்கு அழைக்கிறான் கூப்பர்.

அமிலியாவும் கேஸும் கூப்பரை நோக்கி விரைகின்றனர்.

மூச்சு திணறும் கூப்பரை காப்பாற்றி ரேஞ்சருக்குள் தள்ளுகிறாள் அமிலியா.

மேன் பற்றிய உண்மைகளை சொல்லி அமிலியாவிடம் அவளின் கணிப்பை நம்பாததற்கு மன்னிப்பு கேட்கிறான் கூப்பர்.

அதற்குள் மேனின் சேம்பரில் இருந்த கிப் வெடித்து சிதறுகிறது.

அதோடு ஆய்விலிருந்த ரோமிலியும் மரணிக்கிறான்.

தன் ரேஞ்சரை எடுத்துக்கொண்டு என்டியூரண்ஸ் நோக்கி பயணிக்கிறான் மேன்.

அமிலியாவும் கூப்பரும் மேனை துரத்துகின்றனர்.

எண்டியூரன்ஸோடு ரேஞ்சரை இணைத்துவிட்டால் எல்லாம் பாழாகிவிடுமென அஞ்சுகிறான் கூப்பர்.

என்டியூரன்ஸோடு இணைப்பதற்கான தானியங்கி இணைப்பு செட்டிங்கை டார்ஸ் ஏற்கனவே துண்டித்துவிட்டான் எனவே தன்னிச்சையாக தான் இணைத்தாக வேண்டுமென சொல்கிறது கேஸ்.

(மனிதர்கள் எல்லாருமே குருட்டுத்தனமாக நம்பிய ஒருவனை, டார்ஸ் நம்பாததை கண்டு ஆச்சரியமாகி உன் நம்பிக்கைக்காக செட்டிங் எவ்வளவு என்கிறான் கூப்பர், மனிதர்களை குறைவு தான் என்கிறது டார்ஸ்😷)

தானாக என்டியூரண்ஸோடு ரேஞ்சரை இணைக்க முயல்கிறான் மேன்.

Airlock chamber depressure ஆகிறது.

மேனின் ரேஞ்சரோடு சேர்த்து எண்டியூரன்ஸின் ஒரு பகுதியும் வெடித்து சிதறுகிறது.

எதிர்விசையில் எண்டியூரன்ஸ் 68 RPMல் சுழன்றபடி வின்வெளியில் வீசி எறியப்படுகிறது.

எண்டியூரன்ஸைடு சேர்ந்து கூப்பர் அமிலியாவும் உடைந்து போகின்றர்.

கூப்பர் விடுவாதாயில்லை.

ரெட்ரோ த்ரஸ்டர்ஸோடு என்டியூரன்ஸை விரட்டுகிறான்.

சுழன்றபடியே என்டியூரன்ஸோடு ரேஞ்சரை இணைக்கிறான்.

ரொம்ப நேரம் பேசியாச்சு... Guys... Please allow me to say something in our local Language...

Amelia : cooper... What you doing?

Cooper : docking

🔥🔥🔥🔥🔥🔥

Tars : it's not possible.

Cooper : no it's necessary.

🔥🔥🔥🔥🔥🔥🔥

த்த்தா... வேற லெவல் மாஸ் சீன் அது.... தெறிக்க விட்டுருப்பாரு நோலன் மாம்ஸ் 🔥🔥🔥🔥🔥🔥🔥🔥

Ok okk... Back to form...

ரேஞ்சரை இணைத்ததோடு மற்றொரு பிரச்சனை உருவாகிறது.

தானியங்கி சிஸ்டமும்

என்டியூரண்ஸின் நேவிகேஷன் சிஸ்டம் பழுதடைந்துள்ளது.

அதனால் பூமிக்கு திரும்புவது சிரமம்.

என்டியூரன்ஸை விரட்டியதில் கணிசமாக எரிபொருளும் வீணாகிவிட்டது.

ஆனால் மிஞ்சியிருக்கும் எரிபொருளை கொண்டு எட்மண்ட் கிரகத்துக்கு செல்லலாம் என்கிறான் கூப்பர்.

அதை சுலபத்தில் செய்ய வேறொரு உத்தியை கையாளலாம் என்கிறான்.

கருந்துளையின் தொடுவானம் வரை பறந்து சென்று படிப்படியாக வேகத்தை கூட்டி அதன் ஈர்ப்பு விசையிலிருந்து தப்பித்து  எட்மண்ட் கிரகத்துக்கு செல்லலாம் என்பது திட்டம்.

ஈர்ப்பிலிருந்து விடுபட்டு

வேகத்தை கூட்டுவதற்கு எண்டியூரன்ஸின் எடையை குறைக்க வேண்டும் எனவே தான் ஒரு லேண்டரில் இருந்தபடி 

கழண்டு கருந்துளைக்குள் விழுந்து என்டியூரன்ஸின் எடையை குறைப்பதாக ஒப்புக்கொள்கிறான் டார்ஸ்.

படிப்படியாக வேகம் கூட்டப்படுகிறது‌.

கருந்துளை ஈர்ப்பிலிருந்து தப்பித்து எட்மண்ட் கிரகம் நோக்கி விரைகிறது என்டியூரன்ஸ்.

கருந்துளையின் தொடுவானத்தில் பறந்த இந்த நேரத்தில் குறைந்தது 50வருடங்களை நாம் பூமியில் இழந்திருக்கலாம் என்கிறான் கூப்பர்.

120 வருடங்கள் வரை தப்பித்திருப்பதற்கான வாழ்வாதாரம் பூமியில் இருக்கிறது எனவே அதை பற்றிய கவலை வேண்டாம் என்கிறாள் அமிலியா. 

லேண்டரோடு கழண்டு கருந்துளைக்குள் விழுகிறான் டார்ஸ்.

எடையை குறைப்பதற்காக ரேஞ்சரோடு சேர்ந்து தானும் கருந்துளைக்குள் விழுகிறான் கூப்பர்.

எதிர்பாராத கூப்பரின் செயலால் அதிர்ச்சியாகிறாள் அமிலியா.

கருந்துளைக்குள் விழுந்த ரேஞ்சரை ஈர்க்கிறது மையம்.

இருளும் வெளிச்சமும் மாறி மாறி தாக்குகிறது.

கட்டுப்பாட்டை இழந்த ரேஞ்சரிலிருந்து தப்பித்து வெளியே விழுகிறான்.

தப்பித்தவனை வேறொரு விசை உள்ளே இழுக்கிறது.

இறுதியாக தன் மகளின் அறையின் டெசராக்ட்டுக்குள் வந்து விழுகிறான் கூப்பர்.

அதே நேரம்/வேறோரு நேரம்/எதிர்காலத்தில் பூமியில் இருக்கும் வளர்ந்த மர்ஃபி தன் அறையில் வந்து நின்று எதையோ தேடிக் கொண்டிருக்கிறாள்.

புத்தக அலமாரியை கலைக்கிறாள்.

எல்லாவற்றையும் மாற்றி மாற்றி அடுக்குகிறாள்.

எதாவது ஒரு வகையில் எதாவது ஒரு நிகழ்வு நடந்துவிடாதா என்று தேடுகிறாள். அறைக்குள்ளேயே அங்குமிங்குமாக அலைகிறாள்.

மர்ஃபி அறையின் ஒவ்வொரு சம்பவமும் ஐந்தாவது பரிமாணத்தில் தனித்தனியே கிடப்பதை காண்கிறான் கூப்பர்.

பல்லாயிரக்கணக்கான அறைகளில்

ஒரு அறையில் பயணத்துக்கு முன்பு தன் மகளை தானே சமாதானம் செய்வதை அலமாரிக்கு பின் நின்று காண்கிறான்.

அழுகிறான்.

தன்னை போக விடாதே என்று தன் மகளிடம் கெஞ்சுகிறான்.

போகாதே என்று தன்னிடமே கெஞ்சுகிறான்.

அவன் பேசுவது எதுவுமே அலமாரிக்கு மறுபுறம் கேட்பதாக தெரியவில்லை.

அலமாரி புத்தகங்களை தள்ளி விட்டு மோர்ஸ் கோடில் STAY என்று தகவல் அனுப்புகிறான்.

குழந்தை மர்ஃபி அதை புரிந்துகொண்டு தன் அப்பாவிடம் காட்டி போகாதே என்று வற்புறுத்துகிறாள்.

வற்புறுத்தலை மீறியும் தொடக்கத்தில் பயணத்துக்கு கிளம்பியவனாக தற்போதும்(!) கிளம்புகிறான் கூப்பர்.

இது ஒரு closed loopஆக நிகழ்கிறது.

டெசராக்ட்டில் இருந்து கூப்பர் கொடுக்கும் எல்லா செய்திகளும் ஏற்கனவே லூப்பின் ஒரு பகுதியாக இருக்கிறது.

அறையில் ஏதோ ஒரு செய்திக்காக காத்திருக்கும் வளர்ந்த மர்ஃபி தன் பழைய புத்தகங்களை ஆராயும்போது எதேர்ச்சையாக வருடங்களுக்கு முன்பு எழுதிய STAY என்ற குறிப்பை காண்கிறாள்.

தன்னை போக விடாதே என்று தந்தை தான் தனக்கு தகவல் கொடுத்திருக்கிறார் என்பதை உணர்கிறாள்.

தன்னையும் உன்னையும் தந்தை தனியாக தவிக்க விட்டு போய்விட்டார், அவர் நமக்கு உதவ மாட்டார், நாம் தான் நம்மை காப்பாற்றிக்கொள்ள வேண்டுமென கொஞ்ச நேரத்துக்கு முன் தன் அண்ணனிடம் சொல்லி அழும் மர்ஃபி வேறொரு விஷயத்தை புரிந்துக்கொள்கிறாள்.

தன் தந்தை தன்னை விட்டு செல்ல வேண்டுமென்று எப்போதும் நினைக்கவில்லை.

அவர் தன்னை நீங்க முயற்சிக்கவில்லை.

அவர் தன்னுடனேயே எப்போதும் இருக்க வேண்டும் என நினைத்திருக்கிறார் என்பதை உணர்கிறாள்.

ஒரு தந்தையின் பொறுப்பிலிருந்து அவர் எப்போதும் நீங்க முயற்சிக்கவில்லை என்பதை உணர்கிறாள்.

அந்த பேய் தன் தந்தை கூப்பர் தான் என்பதை உணர்கிறாள்.

டெசராக்ட்டில் செய்வதறியாது அழும் கூப்பரை டார்ஸ் தொடர்புக்கொள்கிறான்.

தான் வேறொரு பரிணாமத்தில் "They"யால் காப்பாற்றப்பட்டதாகவும், அவர்கள் தான் மர்ஃபின் இந்த ஐந்து பரிமாண அறையை முப்பரிமாணத்தில் உருவாக்கி உன்னை தூக்கி உள்ளே போட்டதாக சொல்கிறான்.

பூமியில் இருப்பவர்களுக்கு தகவல் பரிமாறவே தான் இங்கு தேர்ந்தெடுக்கப்பட்டு அழைத்து வரப்பட்டதாக நினைக்கிறான் கூப்பர்.

"They" என்பவர்கள் எதிர்காலத்தில் இருக்கும் பூமியை சேர்ந்த மனிதர்கள்.

அவர்கள் ஐந்தாவது பரிணாமத்தை அடைந்துவிட்டார்கள் என்கிறான்.

கருந்துளையிலிருந்து சேகரிக்கப்பட்ட மிகப்பெரிய டேடா தன்னிடம் இருப்பதாகவும் அதை எந்த அலைவரிசையில் பூமிக்கு அனுப்ப முயற்சித்தும் அனுப்ப முடியவில்லை என்கிறான் டார்ஸ்.

ஐந்தாவது பரிணாமத்தில் நேரமும் ஒரு physical dimension. அதை அங்குமிங்கும் நம்மால் மாற்றி கையாள முடியும்.

ஆனால் எல்லா பரிணாமத்திலும் பயணிக்கும் ஒரே சக்தி ஈர்ப்பு.

எனவே ஈர்ப்பை பயன்படுத்தி தகவல்களை பூமிக்கு தரலாம் என்கிறான் கூப்பர்.

பயணத்தின் தொடக்கப்புள்ளி நாசாவின் இருப்பிடத்தை தான் கண்டறிந்தது.

எனவே நாசாவின் இருப்பிட குறிப்பை பைனரி கோடுகளாக புழுதிக்கோடுகளாக முதலில் கொடுக்கிறான்.

பின்பு அந்த கருந்துளை தகவல்களை தன் மகளுக்கு கொடுக்கப்போவதாக சொல்கிறான் கூப்பர்.

இந்த டேடா மிக நுட்பமானது. இவற்றை ஒரு குழந்தைக்கு அனுப்பினால் அதை அதை அந்த குழந்தை புரிந்துக்கொள்ள பல ஆண்டுகள் ஆகும் என்கிறான் டார்ஸ்.

இதன் பிறகு டார்ஸுக்கும் கூப்பருக்கும் நடுவே நிகழும் உரையாடலானது ஒரு சூரிய உதயத்தை போன்று, முழு நிலவை போன்று, உறக்கத்தின்போதான குழந்தையின் குட்டி கொட்டாவி போன்று, விடலை பருவத்தில் தோழியிடமிருந்து கிடைத்த முதல் முத்தத்தை போன்றதொரு மேஜிக்கல் நிகழ்வு.

என்னளவில் அது ஆயிரம் முறை கேட்டும் சலிக்காத ஒரு மெல்லிசை பாடல்.

COOPER :

Don’t you see, Tars? I brought

myself here. We’re here to

communicate with the

three-dimensional world. We’re the

bridge...

உனக்கு புரியலையா டார்ஸ்? என்னை நானே இங்கே வரவெச்சுருக்கேன்.

பூமியில இருக்குறவங்க கூட தொடர்புக்கொள்ள தான் நான் இங்க இருக்கேன். நாம தான் ரெண்டு உலகத்துக்குமான பாலம்.

COOPER :

I thought they chose me - they

never chose me - they chose Murph.

அவங்க என்னை தேர்ந்தெடுத்தாங்கனு தப்பா நினைச்சுட்டேன்.

ஆனா அவங்க என்னை தேர்ந்தெடுக்கல.. அவங்க மர்ஃபிய தான் தேர்ந்தெடுத்துடுருக்காங்க..

TARS

:

For what?

எதுக்காக??

COOPER :

To save the world!

உலகத்தை காப்பாத்த!

COOPER:

’They’ have access to infinite

time, infinite space ...

COOPER :

But no way to find what they need -

but I can find Murph and find a way

to tell her - like I found this

moment.

அவங்க முடிவில்லாத இந்த ஐந்து பரிணாம உலகத்தை கண்டுபிடிச்சுட்டாங்க ஆனா எப்படி இங்கிருந்து தகவல் அனுப்புறதுனு அவங்களுக்கு தெரியல. இதுல எந்த இடத்துலருந்து தகவல அனுப்பினா அவ புரிஞ்சுப்பானு அவங்களுக்கு தெரியல.. ஆனா எனக்கு தெரியும்.

TARS

:

How?

எப்படி??

COOPER :

Love, Tars. Love - just like Brand

said - that’s how we find things

here.

அன்பு தான் டார்ஸ்...

பிராண்டு சொன்ன மாதிரி... 

TARS :

So what are we here to do?

இப்ப நாம என்ன பண்ண போறோம்?

COOPER :

The watch. That’s it. She’ll come

back for it -

அந்த கடிகாரம். அது வழியா சொல்லலாம்.

அதை எடுக்க அவ கண்டிப்பா வருவா...

TARS :

How do you know?

உனக்கு எப்படி தெரியும்?

COOPER :

Because I gave it to her. We use

the second hand. Translate the data

into Morse and feed it to me -

ஏன்னா நான் தான் அவளுக்கு அதை கொடுத்தேன்.

Tars :

What if she never came back for it?

அவ அதை எடுக்க வரலனா என்னாகும்??

COOPER :

She will. She will ... I feel it....

அவ நிச்சயமா வருவா..

அப்போது தான் நடந்த பழைய விஷயங்கள் எதையும் மாற்றுவதற்காக தான் இங்கே அழைத்து வரப்படவில்லை,

அவற்றை மாற்றவும் முடியாது,

எதிர்காலத்தை மாற்றவே தான் இங்கே அழைத்து வரப்பட்டு இருப்பதாக உணர்கிறான்.

இந்த கருந்துளை குறிப்புகளை அவர்கள்(they) நேரடியாக நாசாவுக்கு அனுப்ப முயற்சி செய்து முடியாமல் போயிருக்கலாம்.

அதை அவர்களுக்கு புரியும் படியாக அனுப்புவதற்கே தான் இங்கு அழைத்து வரப்பட்டிருக்கிறேன்.

அவர்களால் தேர்ந்தெடுக்கப்பட்டவன் தான் அல்ல, மர்ஃபி தான்.

ஆம். மர்ஃபி தான் தேர்ந்தெடுக்கப்பட்டவள்.

அவளுக்கு புரியும்படியான டேட்டாவை அவளுக்கு அனுப்பவே தான் இங்கு அழைத்துவரப் பட்டிருக்கிறேன் என உணர்கிறான்.

தன்னை இங்கு அழைத்து வந்தது அவர்கள் (they) அல்ல, அவர்கள் என்பதே நாம் தான். நாம் தான் நம்மை இங்கு அழைத்து வந்திருக்கிறோம் என்று அறிகிறான்.

எதிர்கால மனிதர்கள் ரொம்ப புத்திசாலிகள்.

ஆனாலும் அவர்களால் இந்த டேட்டாவை பூமிக்கு அனுப்ப முடியவில்லை.

எண்ணற்ற ஐந்து பரிமாண நிகழ்வுகளை உருவாக்க முடிந்தவர்களால் எங்கிருந்து எந்த நிகழ்வில் எப்படி அனுப்பினால் அதை தற்கால மனிதர்கள் புரிந்துக்கொள்வார்கள், மர்ஃபி புரிந்துக்கொள்வாள் என கண்டறிய முடியவில்லை.

அதை செய்யவே தான் இங்கு கொண்டுவரப்பட்டிருக்கிறேன்.

தன் மகளுக்கு எங்கே எப்போது சொல்ல வேண்டும் என்பதை தான் அறிவேன் என்கிறான்.

நீ எப்படி அறிவாய் என்கிறது டார்ஸ்.

எல்லாம் அன்பு தான்.

எட்மண்ட்டை பற்றி அமிலியா சொன்னது நியாபகம் இருக்கிறதா?

Love is quantifiable.

எல்லா பரிணாமங்களையும் தாண்டி செல்லும் ஒரே சக்தி ஈர்ப்பு அல்ல அன்பு.

அந்த அன்பு தான் எட்மண்ட் கிரகம் உயிர்வாழ மிக தகுதியானது என அமிலியாவை சரியாக கணிக்க வைத்தது.

அதே அன்பு தான் தற்போது தனக்கும் மர்ஃபிக்கும் நடுவே மீடியமாக இருக்க போகிறது என்கிறான்.

கருந்துளையின் டேடாவை பயணத்தின்போது தன் மகளுக்கு கொடுத்து வந்த கடிகாரத்தின் வழியே கொடுக்க முடிவெடுக்கிறான்.

கடிகாரத்தின் நொடிமுள்ளில் மொத்த தகவலையும் பதிவும் செய்கிறான்.

அந்த கடிகாரத்தை எடுக்க மர்ஃபி வரவில்லையென்றால் என்னவாகும் என்கிறான் டார்ஸ்.

அவள் நிச்சயம் எனக்காக வருவாள் என்கிறான் கூப்பர்.

அதை அவளுக்கு கொடுத்தவன் நான் தான்.

எனக்காக அவள் நிச்சயம் வருவாள்.

என் மீது அவள் கொண்ட அன்பு அதை நிச்சயம் நிகழ்த்தும் என்கிறான்.

அதே போல் தந்தையின் ஏதோ ஒரு தகவலுக்காக காத்திருந்த 40 வயதான மர்ஃபி கடிகாரத்தின் மோர்ஸ் தகவலை கண்டறிகிறாள்.

தன் தந்தை தன்னை காப்பாற்ற வந்துவிட்டதாக குதிக்கிறாள்.

தகவலை அனுப்பி முடித்ததும் டெசராக்ட் மூடப்படுகிறது.

அனுப்பிய தகவலை மர்ஃபி பெற்றாளா இல்லையா என்பது தெரியாமலேயே கண் மூடுகிறான் கூப்பர்.

இதுவரை திரைக்கதையில் அன்பு கடந்து வந்த பாதையை கொஞ்சம் கவனியுங்கள்.

#கூப்பரை They தேர்ந்தெடுத்திருப்பதாக நம்புகிறார் பிராண்ட்.

#தன் மகளின் எதிர்கால நலனுக்காக பயணத்தை ஏற்கிறான் கூப்பர்.

#தன் மீது வைத்திருக்கும் அன்பின் காரணமாக தன் தந்தை திரும்ப வருவார் என்ற நம்பிக்கையிலும் தன்னை விட்டு விலகிய கோபத்திலும் இருக்கிறாள் மர்ஃபி.

#ஒருவர் மீது வைத்திருக்கும் அன்பு தரும் உள்ளுணர்வு எல்லா அறிவியலை விடவும் நம்பகத்தன்மையானது பெரியது என்கிறாள் அமிலியா.

#அன்பு & உள்ளுணர்வை விட அறிவையே நம்ப வேண்டும் என்கிறான் கூப்பர்.

#உறவு மீது கொண்ட அன்பு இலக்கை அடைய தடையாக இருக்குமென பிராண்ட் நம்பியதாக சொல்கிறான் மேன்.

#அன்பை காட்டி தனக்கு தன் தந்தை நம்பிக்கை துரோகம் செய்துவிட்டதாக உணர்கின்றனர் மர்ஃபியும் அமிலியாவும்.

#உறவு மீது வைத்திருக்கும் அன்பு & பிடிப்பு நம்மை உயிர்வாழ தூண்டும், கடினமான எந்த காரியத்தையும் செய்ய உத்வேகப்படுத்தும் என்கிறான் மேன்.

அந்த அன்பின் காரணமாக மன்னிக்க இயலாத மனிதகுலத்துக்கே பெரிய துரோகத்தையும் செய்கிறான்.

#அன்பு ஒன்று தான் எல்லா பரிணாமங்களையும் தாண்டி பயணிக்கும் ஒரே சக்தி என புரிகிறான் கூப்பர்.

#தேர்ந்தெடுக்கப்பட்டது தான் அல்ல மர்ஃபி என உணர்கிறான்.

இப்படி மொத்த கதையையும் அன்பு ஒன்று மட்டுமே தொடர்ந்து தாங்கி வந்திருக்கிறது.

ஒரு தந்தைக்கும் மகளுக்கும் நடுவே இருக்கும் அன்பு

பூமியிலிருந்து வேறெங்கோ பல கோடி ஒளியாண்டுகள் தாண்டியுள்ள வேறொரு கிரகம் வரை உணரப்பட்டிருக்கிறது.

அன்பு

ஒரு உலகத்தையே அழிவிலிருந்து காத்திருக்கிறது.

தன் மீது பெருங்கோபத்தில் இருக்கிறாள் என தெரிந்த பின்னரும்

தன் மகள் தன்னை தேடி வருவாள் என எந்த தொடர்பும் நிச்சயமுமற்று வேறொரு அண்டத்தில் இருக்கும் 

ஒரு தந்தை நம்புகிறான்.

அந்த அன்பு மீது கொண்ட நம்பிக்கையின் பேரில் உலகத்தையே காக்கும் ஒரு டேட்டாவை அவளை நோக்கி அனுப்பி வைக்கிறான்.

அவளும் தேடி வருகிறாள்.

அன்பு மட்டுமே இதை நிகழ்த்தியிருக்கிறது.

அன்பால் மட்டுமே இது சாத்தியமானது.

Love is just quantifiable.

டெசராக்ட்டிலிருந்து வெளியே வீசி எறியப்பட்ட கூப்பர் வாம்ஹோலை கடக்கிறான்.

கிராவிட்டியூடாக அமிலியாவிடம்  கைக்குலுக்குகிறான்.

இறுதியாக சனி கிரகத்தின் அருகே வந்து விழுகிறான்.

கண் விழித்து பார்க்கும் கூப்பர் ஒரு மருத்துவமனையில் இருக்கிறான்.

பக்கத்தில் இருந்த மருத்துவர், ஸ்பேசில் மிதந்துக்கொண்டு இருந்த கூப்பரை சனி கிரகத்துக்கு அருகே கண்டுபிடித்ததாகவும் அவருக்கு தற்போது 124 பூமி வயதாவதாகவும் நாம் இப்போது கூப்பர் ஸ்டேஷனில் இருப்பதாகவும் சொல்கிறார்.

கூப்பர் ஸ்டேஷன் என்பது பூமியிலிருந்து மாற்று கிரகத்துக்கு செல்வதற்காக பிராண்ட் உருவாக்க முயற்சித்து மர்ஃபி உருவாக்கிய தளம்/கலன்.

அது இப்போது சனி கிரகத்துக்கு அருகே பறந்துக் கொண்டிருக்கிறது.

ஜன்னல் வழியே வெளியே எட்டி பார்க்கிறான் கூப்பர்.

உருளை வெளியில் பரப்பு வளைந்து மடிந்திருப்பதை காண்கிறான்.

வயதான மர்ஃபி தற்போது வேறொரு தளத்தில் இருப்பதாகவும்

கூப்பர் வந்திருப்பதை அறிந்து ஓரிரு நாட்களில் இங்கே வரப்போவதாகவும் சொல்கிறார் டாக்டர்.

வெளியே செல்லும் வழியில் advanced next generation spacejetகளை மனிதர்கள் கையாளுவதை காண்கிறான்.

பிறகு ஸ்டேஷனில்

பாதுகாத்து வைக்கப்பட்டிருந்த தன் வீட்டின் மாதிரிக்கு செல்கிறான்.

பழுதடைந்த நிலையிலிருக்கும் டார்ஸை காண்கிறான்.

கூப்பர் மீட்கப்பட்ட இடத்திற்கு அருகிலேயே டார்ஸும் மீட்கப்பட்டதாக சொல்கிறார் உடனிருந்த நிர்வாகி.

டார்ஸை பழுது நீக்கி செயல்பட வைக்கிறான்.

எல்லாம் திரும்ப கிடைத்துவிட்டதை போல தோன்றினாலும் ஏதோ ஒன்றை மிஸ் செய்வதாகவே உணர்ந்துக் கொண்டிருக்கிறான் கூப்பர்.

அது சுற்றியிருந்த புழுதியோ, சத்தமோ, பாதுகாப்பற்ற உணர்வோ, தன் மகளோ மகனோ! ஏதோ ஒன்றை மிஸ் செய்துக்கொண்டு இருக்கிறான்.

இரண்டு நாட்களுக்கு பிறகு மர்ஃபியை காண கூப்பர் அழைத்து செல்லப்படுகிறான்.

இரண்டு ஆண்டுகளாக cryo-உறக்கத்தில் இருந்த மர்ஃபி தற்போது தான் கண் விழித்திருக்கிறாள்.

அவளை காண அவள் குடும்பத்தை சேர்ந்த மகன் மகள் பேரக்குழந்தைகள் என அனைவரும் வந்திருக்கின்றனர்.

கூப்பரும் வந்திருக்கிறான்.

மருத்துவமனையில் படுக்கையாகியிருக்கிறாள் 90+ வயதான மர்ஃபி.

அனைவரையும் விலக்கிவிட்டு அருகில் போய் உக்காருகிறான் கூப்பர்.

எனக்கு விவசாயம் பிடிக்கும் என்று அனைவரிடமும் சொல்லி வந்திருக்கிறாயா என கேட்கிறான்.

ஆம் என தலையாட்டுகிறாள் மர்ஃபி.

காத்திருந்த இத்தனை வருடங்களில் உலகை காப்பாற்றிய மர்ஃபிக்கு தன் தந்தை பற்றி உலகுக்கு சொல்ல எத்தனையோ இருந்திருக்கலாம்.

அவரின் பைலட் சாகசங்கள் பற்றி.... அறிவியல் ஞானம் பற்றி... உலகை காக்கு எடுத்த உயிரை பணயம் வைக்கும் முயற்சி பற்றி என எத்தனையோ!

ஆனால் அவள் அதை பற்றியெல்லாம் (அதிகம்) சொல்லியிருக்கவில்லை.

என் தந்தை அறிவியல் மீதான உலகை காக்கும் உடன்பாட்டால் காணாமல் போய்விட்டார் என்பதாக அது இல்லை.

தன் தந்தைக்கு விவசாயம் பிடிக்கும் என்பதன் பொருள் அவர் நான் உட்பட்ட என் குடும்பத்தை தவிர வேறெதையும் பெரியதாக விரும்பவில்லை எங்களுக்காகவே இருந்தார் எங்களுக்காகவே வாழ்ந்தார் அந்த வின்வெளி பயணம் கூட எங்களுக்கானதாக தான் இருந்தது என்பது தான்.

தந்தையின் பயண காரணத்தை நன்கு புரிந்திருந்தாள் மர்ஃபி.

அந்த அன்பின் ஊடாக விளைந்த அற்புதத்தையும் புரிந்திருந்தாள்‌.

அவளளவுக்கு அதை புரிய உலகில் யாரும் தயாரில்லை தகுதியில்லை.

கைகளை அனைத்து முத்தமிடும் தந்தையிடம்

நீங்க வருவீங்கனு எல்லாரு கிட்டயும் சொல்லிட்டு இருந்தேன் ஆனா யாரும் அதை நம்பல என்கிறாள்.

எப்படி தெரியும் என்கிறான் கூப்பர்.

என் தந்தை என்னிடம் சத்தியம் செய்திருந்தார். நான் நம்பிக்கொண்டிருந்தேன் என்கிறாள்.

பத்து வயதில் தன் தந்தை தனக்கு அளித்த ஒரு சத்தியத்தை நம்பிக்கொண்டு 80+வருடங்களாக காத்திருந்த ஒரு மகளின் நம்பிக்கை அது.

எந்த பெற்றோரும் தங்கள் குழந்தைகள் இறப்பதை விருப்ப மாட்டார்கள்.

எனக்கு பின்னாலிருக்கும் குடும்பம் என்னுடன் உள்ளது.

அவர்கள் என்னை பார்த்துக்கொள்வார்கள்.

எனக்கு கொடுத்த சத்தியத்தை காப்பாற்றியதோட உன் கடமை முடியவில்லை.

அமிலியாவை தேடி செல்.

அவள் உனக்காக காத்துக்கொண்டு இருப்பாள்.

புதிய உலகை தேடி செல் என்கிறாள்.

எட்மண்ட் கிரகத்தில் புதிக கூடாரங்களை அமைத்துக்கொண்டிருக்கும் அமிலியாவை தேடி கிளம்புகிறான் கூப்பர்.

தன் தந்தையின் இரண்டாவது பயணத்துக்கு அவனை சிரித்தபடி வழியனுப்பி வைக்கிறாள் மர்ஃபி.

Murphy's law.

Happy ending. 💜

The Hollywood ThangaMeengal.

-ராஜ்குமார்.ரா@Rajitalks